शीर्षक-तस्विरको मान्छे
शीर्षक-तस्विरको मान्छे
पटक पटक झुम्मिरहन्छु म तिम्रो तस्वीर वरिपरि
पटक पटक झुम्मिरहन्छु म तिम्रो तस्वीर वरिपरि
जसरी झुम्मिरहन्छ बत्तीको उज्यालो वरिपरि पुतली ।
अन्धकार सुनसान रातमा
खुब गिज्जिन्छु तिम्रो तस्वीरसँग,
चस्माको फ्रेम भित्रका
ती निश्चलआँखाहरु
माल्दिभिरको दह जस्तै लाग्छ ।
बेबाक पौडिरहन्छु पौडिरहन्छु ।
तिम्रो बढिरहेको स्वास
ठ्याक्कै
हावाले काउकुती लगाएर गएपछिको
बैँसको पात जस्तै लाग्छ ।
जो पोखरी छेवैमा उभिएर
खुब सुस्याइरहन्छ ,
म त्यो पातलाई अझै गिज्याइदिन्छु।
घरीघरी ललिपप बन्छु,
तिम्रो मुखभित्र पसेर एकछिन जिब्रोमाथी बसिरहन्छु ।
घरी तिम्रो गालाको खोपिल्टो भरी पोखिन्छु ।
औँलाहरुले बिस्तारै सुमसुमाउँछ्न
विशाल छातिको जंगललाई
परपर पुगेपछि
साउनमा मुल बनेर पानी निस्किएको पाटन झैँ
भुक्लु भुक्लु उम्लिरहेझैँ लाग्छ तिम्रो धड्कन
कान नजिकै लगेर सुन्छु ,टाँसिएरै सुन्छु ।
मेरै हृदय पुकारेजस्तो लाग्छ
तृप्तीको अनौठो नशा बोकेर ।
पटक पटक झुम्मिरहन्छु म तिम्रो तस्वीर वरिपरि
जसरी झुम्मिरहन्छ बत्तीको उज्यालो वरिपरि पुतली
तर मलाई पुतलीको नियती मान्य छैन ।
ए तस्वीरको मान्छे !
तिमी कहिले आउँछौ ?
यी दुई आँखाबाट झरेका दानाहरु
टपक्क टिपेर
भराेसाकाे प्रेमशुत्रले
मेराे हृदयलाई बाँधिदिदैँ
कहिले भनिदिन्छाै ?
अब देखि तिम्रो जिन्दगी उज्यालो भयो !
Comments
Post a Comment